← Bhí sé ag coimeád leo i gcónaí; faoi mar a bhídís ar an ardán, bhíodh an Fairceallach san ísleán, agus nuair a bhídís san ísleán bhíodh an Fairceallach san ardán. 🔊✎
← "Ó", ar seisean, "níl aon fhear i seacht gcatha na nGnáth-Fhéinne nach gcuirfidh mé scian agus forc agus pláta ar a aghaidh amach!" 🔊✎
← Bhí cos léi trasna ar an gcos eile agus gan aon bhróg uirthi - í cos-lomnochtaithe. 🔊✎
← Bhí dhá shúil ghlasa ghorma aici agus muince uirthi chomh geal agus a chonaiceadar ar aon bhean riamh. 🔊✎
← Ní fhacadar éinne istigh ach seanduine a bhí ina shuí ar bhloc sa chúinne, a cheann faoi agus a dhá lámh faoina smig aige. 🔊✎
← Bhí sé cinn de ghadhair sínte ar imeall na tine. 🔊✎
← Tháinig an Fairceallach isteach ansin agus chuir sé bia agus deoch ar na boird d'Fhionn agus do na Fianna. 🔊✎
← Ní raibh aon fhear sa bhFéinn nár chuir sé scian agus forc agus pláta ar a aghaidh amach. 🔊✎
← Ní túisce a ghabh sé amach ná gur éirigh na sé ghadhar agus léim siad in airde ar na boird agus ritheadar síos tríothu. 🔊✎
← Nuair a bhí a raibh ar na boird ite agus ólta acu, tháinig siad anuas agus shíneadar san áit chéanna ar imeall na tine le hais an tseanduine. 🔊✎
← Tháinig an Fairceallach isteach agus ní fhaca sé greim bia ná dí ar aon bhord. 🔊✎
← Ní túisce sin ná phreab na sé ghadhar ar na boird. 🔊✎
← Tháinig an Fairceallach isteach arís don tarna huair agus ní raibh aon ní ar aon bhord ag Fianna Éireann roimhe. 🔊✎
← "Nár chóir go gcuirfeá smacht ar na gadhair sin agat!" 🔊✎
← Thóg an seanduine a cheann agus d'fhéach sé ar na gadhair lena dhá shúil agus mharaigh sé iad. 🔊✎
← "Inis dom anois", arsa Fionn, "cé hé an seanduine liath a bhí sa chúinne nuair a dúirt tú leis smacht a chur ar na sé ghadhar, gur fhéach sé lena dá súil orthu agus gur mharaigh sé iad?" 🔊✎
← "Agus inis dom anois," arsa Fionn, "cén saghas iad na sé ghadhar a d'ith ar cuireadh ar na boird, an dá uair, de bhia is de dheoch, agus nach n-aithneodh éinne orthu gur ith siad aon ghreim?" 🔊✎
← Tá an scéal seo bunaithe ar scéal 53 as Leabhar Sheáin Uí Chonaill, le Séamas Ó Duilearga (Browne and Nolan, Ltd. 1964), agus é cóirithe do thionscadal ABAIR.ie 🔊